Энэтхэг, Хятадын харилцаа тогтвортой ахиц гаргасан гэж Ерөнхий сайд Моди мэдэгдэв

Мягмар гарагт Энэтхэгийн Ерөнхий сайд Нарендра Моди "Өнгөрсөн аравдугаар сард БНХАУ-ын Ерөнхийлөгч Ши Жиньпинтэй уулзсанаас хойш хоёр улсын харилцаа харилцан сонирхол, мэдрэмжийг хүндэтгэх зарчмын дагуу тогтвортой ахиц гаргасан" гэж мэдэгдсэн байна.

“Би ШХАБ-ын (Шанхайн хамтын ажиллагааны байгууллага) дээд хэмжээний уулзалтын үеэр БНХАУ-ын Тяньжин хотноо болох бидний дараагийн уулзалтыг тэсэн ядан хүлээж байна” гэж Моди X сүлжээнд бичжээ.

“Энэтхэг, Хятадын тогтвортой, урьдчилан таамаглаж болохуйц, бүтээлч харилцаа бүс нутаг төдийгүй дэлхийн энх тайван, хөгжил цэцэглэлд чухал хувь нэмэр оруулах болно” гэж тэр нэмж онцолсон байна.