ГААЛИЙН ЕРӨНХИЙ ГАЗАР: TIR-EPD/RTS програмын ашиглалтыг сайжруулах зорилгоор гаалийн албан хаагчдыг сургагч багшаар бэлтгэж байна

Гаалийн байгууллагаас Олон улсын авто тээврийн холбоо (IRU), Монголын авто тээвэрчдийн нэгдсэн холбоотой хамтран ажиллаж Монгол Улсын гаалийн байгууллагын автоматжуулсан CAIS системд ТИР-ын гаалийн урьдчилсан цахим мэдүүлгийн систем (TIR-EPD)-ийг холбож, амжилттай нэвтрүүлсэн. Дээрх цахим системтэй холбоотойгоор Монголын авто тээвэрчдийн нэгдсэн холбооноос Гаалийн ерөнхий газрын харьяа гаалийн газрын 15 албан хаагчдыг сургалтад хамруулж, сургагч багшаар бэлтгэж байна.