
Өнөөдөр Аймгийн удирдлагууд агентлагийн дарга нарын шуурхай хурал зарлаж дараах чиглэлүүдэд анхаарч ажиллах талаар үүрэг өглөө. Үүнд:
- Нийтийн мэдээллийн ил тод байдлын тухай хуулийн дагуу Төрийн үйл ажиллагааг ил тод нээлттэй байлгах талаар Өмнөговь аймгийн цахим шилжилт, үйлчилгээний хэлтсийн дарга Б.Мөнхтуяа танилцуулж цаашид зарим байгууллагууд энэ тал дээр анхаарч ажиллахыг онцоллоо.
- Өнөөдрөөс эхлэн Даланзадгадын Дулааны Цахилгаан Станц төвийн шугам сүлжээнд халаалт дулаан өгч байгаатай холбоотойгоор мэдээлэл өгч иргэд, аж ахуй нэгжүүд ямар асуудал дээр анхаарах мөн станцын өнөөгийн байдлын талаар Даланзадгад Дулааны Цахилгаан Станцын дарга Г.Мөнх-Амгалан танилцууллаа
- Аймгийн Засаг дарга Н.Энхбат Гурвантэс суманд ажилласантай холбогдуулан АЗДТГ-ын НБХ-ийн дарга Б.Дэжид мэдээлэл өгч сумын сургууль,цэцэрлэг, соёлын байгууллагуудад тулгамдсан зарим асуудалд холбогдох байгууллагууд анхаарч ажиллахыг үүрэг болголоо
- Мөн Өвөлжилтийн бэлтгэл ажлын хүрээнд төв суурин газрууд бэлтгэл ажлыг сайтар хангах
- Эрчим хүчний хэмнэлттэй ямар эх үүсвэр шийдэл байгааг байгууллагуудын дарга нар эрэлхийлж ажиллах
- Даланзадгад Дулааны Цахилгаан Станцыг хямд нүүрсээр хангах
- Засгийн газрын зарим хууль, тогтоомжийг хэрэгжүүлэхийг Төрийн байгууллагын дарга нарт үүрэг болголоо.