ӨМНӨГОВЬ АЙМГИЙН ЗАСАГ ДАРГА Н.ЭНХБАТ МОНГОЛ УЛСЫН СОЁЛЫН ГАВЬЯАТ ЗҮТГЭЛТЭН, СЭТГҮҮЛЧ Ш.ХИШИГСҮРЭНГ ХҮЛЭЭН АВЧ УУЛЗЛАА

Өмнөговь аймгийн Гурвантэс сумын уугуул, Монгол Улсын Соёлын гавьяат зүтгэлтэн, сэтгүүлч, “Соён гэгээрүүлэгч” телевизийн гүйцэтгэх захирал Шархүүгийн Хишигсүрэнг аймгийн Засаг дарга Н.Энхбат хүлээн авч уулзан, хүндэтгэл үзүүллээ.

Ш.Хишигсүрэн эрүүл мэнд, боловсрол, хэл шинжлэл, соёл урлагийн салбарын эрдэмтэн, судлаачид болон шашин, төрийн нэрт зүтгэлтэн зэрэг 30 гаруй хүний бүрэлдэхүүнтэйгээр төрөлх нутагтаа хүрэлцэн ирж Гурвантэс сумын номын санд 1000 ном хандивлахаар болжээ. Мөн Өмнөговь аймгийн зохиолч, яруу найрагчдын “Их говийн дуулал” ТББ-аас мөн 100 ном хандивлаж байна.