ОЙРХ ДОРНОДОД ХАМГИЙН ТОМ НАРНЫ ЦАХИЛГААН СТАНЦ АЖИЛЛАЖ ЭХЭЛЛЭЭ

Ойрх Дорнодын хамгийн том нарны цахилгаан станцын төсөл Саудын Арабт бүрэн хүчин чадлаараа (2.6 гигаватт) ажиллаж эхэллээ.

Жедда хотоос урд зүгт 80 орчим километрийн зайд орших, БНХАУ-ын инженерүүдийн бүтээн байгуулж, барьсан 53 хавтгай километр талбай бүхий төсөл бүрэн хүчин чадлаараа ажиллаж эхэлснээр ирэх 35 жилийн хугацаанд нийт 282.2 тэрбум киловатт цагийн цахилгаан үйлдвэрлэхээр төлөвлөгдөж байна. Ингэснээр нүүрсхүчлийн хий (CO2)-ийн ялгарлыг бараг 245 сая тонноор бууруулах тооцоотой аж.