ӨМНӨГОВЬ АЙМАГ: "ТЭРБУМ МОД" ҮНДЭСНИЙ ХӨДӨЛГӨӨНИЙ ХЭРЭГЖИЛТЭД ХЯНАЛТ, ШАЛГАЛТ ХИЙХ ХҮРЭЭНД УУЛ УУРХАЙН КОМПАНИУДЫН ТӨЛӨӨЛӨЛТЭЙ УУЛЗАЛТ ЗОХИОН БАЙГУУЛЛАА

Засгийн газрын Хяналт хэрэгжүүлэх газраас “Тэрбум мод” үндэсний хөдөлгөөний хэрэгжилтийн явцад хяналт, шалгалт хийх ажлын хүрээнд уул уурхайн компаниудын төлөөлөлтэй уулзалт зохион байгуулж ойжуулалт, нөхөн сэргээлт, ус болон хөрсний нөөцийг хамгаалах чиглэлээр хэрэгжүүлж буй ажлын явц, гүйцэтгэлтэй танилцаж, хөдөлгөөний хэрэгжилтийн бодит байдалд үнэлгээ хийв.

Мөн цаашдын төлөвлөлт, зохион байгуулалтын талаар харилцан мэдээлэл солилцлоо.

“Тэрбум мод” үндэсний хөдөлгөөний зорилтод үр дүнтэй хүрэхийн тулд уул уурхайн салбарын оролцоог нэмэгдүүлэх, байгаль орчныг хамгаалах бүтээлч шийдлүүдийг дэмжих чиглэлээр санал, зөвлөмжүүдийг өглөө.

Эх сурвалж: Өмнөговь Аймгийн Засаг Даргын Тамгын Газар