ҮГ.МН: Венесуэл Улсын ирээдүйн Ерөнхийлөгч байх магадлалтай тэрс үзэлтэн, 2025 оны нобелийн шагналт Мария Корина Мачадо

“Эрх чөлөө бол бидний хүлээж суудаг зүйл биш, харин бид өөрсдөө олж төлөвшдөг зүйл юм. Энэ бол ухамсартай, хувь хүний сонголт бөгөөд тэдгээр сонголтуудын нийлбэр нь өдөр бүр дахин сэргээгдэх ёстой иргэний ёс зүйг бүрдүүлдэг.”

Мария Корина Мачадо

Зурганд 2025 оны Нобелийн энхтайвны шагналын эзэн Мария Корина Мачадо Норвегийн Нобелийн хүрээлэнд зочдын дэвтэрт гарын үсэг зурсны дараа дэмжигчидтэйгээ мэндэлж буй агшин дүрслэгдсэн байна. Ингэснээрээ тэрээр өөрийн мөрөө үлдээсэн энхтайвны шагналтнуудын эгнээнд нэгдэж байна.

Мачадо Нобелийн энхтайвны шагнал гардуулах ёслолд хэдхэн цагийн хоцрогдолтой оролцож чадсан юм. Учир нь Норвеги руу зорчихын тулд тэрээр Венесуэлээс нууцаар гарах шаардлагатай болсон байв. Хүнд бэрх аяллын дараа тэрээр Ослод хүрэлцэн ирж, энхтайвны шагналтнууд уламжлал ёсоор олон нийтэд мэндчилдэг Гранд зочид буудлын тагтан дээр гарч, мөн Норвегийн Нобелийн хүрээлэнд зочилж чаджээ.